கண் ஆரோக்கியம் குறித்த விழிப்புணர்வை ஏற்படுத்தி, பார்வை இழப்பைத் தடுக்கும் நோக்கில், ஒவ்வோர் ஆண்டும் ஏப்ரல் முதல் வாரத்தில் (ஏப்ரல் 1 முதல் 7 வரை) பார்வையிழப்புத் தடுப்பு வாரம் அனுசரிக்கப்படுகிறது.
விழிப்புணர்வு, ஆரம்பநிலைக் கண்டறிதல் மற்றும் உரிய நேரத்தில் சிகிச்சை மூலம் தவிர்க்கக்கூடிய பார்வையிழப்பைக் குறைப்பதே இதன் நோக்கம். 2026-ஆம் ஆண்டின் கருப்பொருள் 'கண் அழுத்த நோயற்ற உலகிற்காக ஒன்றிணைவோம்' (Uniting for a Glaucoma-Free World) என்பதாகும். கண் அழுத்த நோய் (Glaucoma) நிரந்தரப் பார்வையிழப்புக்கான முக்கியக் காரணமாகும்; எச்சரிக்கை அறிகுறிகள் இன்றி படிப்படியாகப் பார்வையைப் பாதிப்பதால் இது 'பார்வையின் அமைதியான திருடன்' என அழைக்கப்படுகிறது.