கௌமாரப்ருத்யா குறித்த மூன்றாவது சர்வதேச மாநாடான KAUMARACON-2026-ஐ குடியரசுத் துணைத் தலைவர் தொடங்கி வைத்தார். அகில இந்திய ஆயுர்வேத நிறுவனம் (AIIA) நடத்திய இம்மாநாட்டின் கருப்பொருள் "Shaping the Future of Child Health: Global Perspectives, Research Innovations, and Clinical Frontiers in Kaumarabhritya" என்பதாகும். குழந்தைகளின் உடல்நலம், ஊட்டச்சத்து, வளர்ச்சி, மேம்பாடு ஆகியவற்றையும் அவர்களுக்கு நோய் வராமல் தடுப்பதையும் கவனிக்கும் ஆயுர்வேதத் துறையே கௌமாரப்ருத்யா. மாநாட்டில் ஆயுஷ் ஸ்டார்ட்-அப் போர்ட்டல், AIIA-iCAINE இணையதளம், AyuDIVA, வமன செயலி (Vamana App), பஞ்சகர்ம மதிப்பீட்டுச் செயலி (Panchakarma Assessment App) ஆகியவை வெளியிடப்பட்டன. சமஸ்கிருதத்தில் 'ஐந்து செயல்கள்' என்று பொருள்படும் பஞ்சகர்மா, உடலில் உள்ள நச்சுகளை வெளியேற்றி வாதம், பித்தம், கபம் ஆகிய மூன்றையும் சமநிலைக்குக் கொண்டுவரும் ஆயுர்வேத சிகிச்சையாகும்.