குருத்தணு (stem cell) சிகிச்சையை முறைப்படுத்துமாறு ஒன்றிய சுகாதார மற்றும் குடும்ப நல அமைச்சகம் மாநிலங்கள் மற்றும் யூனியன் பிரதேசங்களுக்கு அறிவுறுத்தியுள்ளது. சில இரத்தப் புற்றுநோய்கள், இரத்தக் கோளாறுகள் உள்ளிட்ட அமைச்சகம் அங்கீகரித்த நோய்களுக்கு மட்டுமே இது நிலையான சிகிச்சையாக வழங்கப்படலாம். ஆட்டிசம் நிறமாலைக் குறைபாட்டுக்கு (ASD) அங்கீகரிக்கப்பட்ட மருத்துவப் பரிசோதனைகளில் மட்டுமே பயன்படுத்தலாம்; நிலையான சிகிச்சையாக விளம்பரப்படுத்தக் கூடாது. பரிசோதனைகள் ICMR மற்றும் உயிரித் தொழில்நுட்பத் துறையின் குருத்தணு ஆராய்ச்சிக்கான தேசிய வழிகாட்டுதல்கள் 2017-ஐப் பின்பற்ற வேண்டும். அங்கீகாரமற்ற பயன்பாடு அல்லது விளம்பரத்துக்கு மருத்துவ நிறுவனங்கள் (பதிவு மற்றும் ஒழுங்குமுறை) சட்டம் 2010-இன் கீழ் நடவடிக்கை எடுக்கப்படும். லுகேமியா, தலசீமியா போன்றவற்றுக்கு எலும்பு மஜ்ஜை மாற்று சிகிச்சை நிறுவப்பட்ட சிகிச்சையாக உள்ளது.