மத்தியப் பிரதேசத்தின் இந்தூரில் உள்ள இந்திய வேளாண் ஆராய்ச்சிக் குழும (ICAR)–தேசிய சோயாபீன் ஆராய்ச்சி நிறுவனம் (NSRI), மேம்படுத்தப்பட்ட சோயாபீன் (Glycine max) ரகங்களான NRC 268, NRC 270-ஐக் காட்சிப்படுத்தியது; இவை தொடக்க நிலையில் ஹெக்டேருக்குச் சுமார் 20 குவிண்டால் மகசூல் தந்தன. ஒழுங்கற்ற மழை, வறண்ட காலங்கள், பூச்சிகள், நோய்கள் ஆகியவற்றைத் தாங்கும் வகையில் இரு ரகங்களும் உருவாக்கப்பட்டுள்ளன; உற்பத்தியை அதிகரித்தல், வானிலை சார்ந்த பயிர் இழப்பைக் குறைத்தல், விவசாயிகளின் வருமானத்தை உயர்த்துதல் ஆகியவை நோக்கம். NRC 270 பெரிய விதைகள், அதிக விதை எடை, சிறந்த சந்தை மதிப்பைக் கொண்டது. மத்தியப் பிரதேசம், மகாராஷ்டிரா, ராஜஸ்தான் போன்ற சோயாபீன் பயிரிடும் மாநிலங்களுக்கு, குறிப்பாகக் காரிஃப் பருவத்துக்கு இவை ஏற்றவை.