கேரளாவின் திருவனந்தபுரம் மாநகராட்சி, அமயிழஞ்சான் கால்வாயில் 'G-SPIDER' என்ற செயற்கை நுண்ணறிவு (AI) ரோபோவைப் பணியமர்த்தியுள்ளது. தூய்மை இந்தியா இயக்கம்-நகர்ப்புறம் 2.0 (Swachh Bharat Mission-Urban 2.0) திட்டத்தின் கீழ் கால்வாயிலுள்ள குப்பைகளை அகற்ற இந்த ரோபோ பயன்படுத்தப்படுகிறது. அபாயகரமான இப்பணிக்கு இயந்திரத்தைப் பயன்படுத்துவதன் மூலம், தொழிலாளர்களின் உடல்நலத்துக்கும் பாதுகாப்புக்கும் அச்சுறுத்தலான கையால் மலம் அள்ளும் முறையைத் தவிர்ப்பதே மாநகராட்சியின் நோக்கம். நகர்ப்புறத் தூய்மைப் பணியில் ரோபோட்டிக்ஸ், AI ஆகியவற்றின் பயன்பாட்டுக்கு இது ஓர் எடுத்துக்காட்டு.