ஒன்றிய அறிவியல் மற்றும் தொழில்நுட்பத் துறை அமைச்சர், மத்திய உணவுத் தொழில்நுட்ப ஆராய்ச்சி நிறுவனத்தில் (CFTRI) BIRAC-BioNEST அடைகாப்பு மையத்தை (Incubation Centre) திறந்து வைத்தார். BIRAC என்பது உயிரி தொழில்நுட்பத் தொழில் ஆராய்ச்சி உதவிக் கழகம் (Biotechnology Industry Research Assistance Council) ஆகும்.
உணவுத் தொழில்நுட்பம் மற்றும் உயிரி தொழில்நுட்பத் துறைகளில் செயல்படும் ஸ்டார்ட்அப் நிறுவனங்களுக்கு ஆதரவளிப்பதே இம்மையத்தின் நோக்கம். தேசிய உணவு ஆராய்ச்சி நிறுவனத்திற்குள்ளேயே அடைகாப்பு மையம் அமைவதால், இளம் தொழில்முனைவோர் அறிவியல் நிபுணத்துவத்தைப் பயன்படுத்தி, ஆய்வக ஆராய்ச்சிகளைச் சந்தைக்கான பொருள்களாக மாற்ற இது உதவும் என எதிர்பார்க்கப்படுகிறது.