2005 முதல் ஆண்டுதோறும் வெளியிடப்படும் உலகளாவிய சுகாதாரக் குறியீடுகளின் தொகுப்பான உலக சுகாதாரப் புள்ளிவிவர அறிக்கை 2026-ஐ (World Health Statistics Report 2026) உலக சுகாதார நிறுவனம் (WHO) வெளியிட்டுள்ளது. சுகாதாரம் தொடர்பான நிலையான வளர்ச்சி இலக்குகளை (SDGs) நோக்கிய முன்னேற்றம் சீரற்றதாகவும், 2030 இலக்குகளை எட்ட முடியாத அளவுக்கு மெதுவாகவும் உள்ளதாக அறிக்கை கூறுகிறது. 2010 முதல் 2024 வரை HIV தொற்று, காசநோய், புறக்கணிக்கப்பட்ட வெப்பமண்டல நோய்கள் குறைந்திருந்தாலும், 2015 முதல் உலகளாவிய மலேரியா பாதிப்பு 8.5% அதிகரித்துள்ளது. 2024-இல் சுமார் 200 கோடி (2 பில்லியன்) மக்கள் மாசுபடுத்தும் சமையல் எரிபொருட்களையும் தொழில்நுட்பங்களையும் பயன்படுத்தினர். 2022 நிலவரப்படி, சுமார் 160 கோடி (1.6 பில்லியன்) மக்கள் மருத்துவச் செலவுகளால் வறுமையில் வாழ்ந்தனர் அல்லது வறுமைக்குத் தள்ளப்பட்டனர்; உலக மக்கள்தொகையில் ஏறக்குறைய நான்கில் ஒரு பங்கினர் சொந்தப் பணத்தில் செய்யும் மருத்துவச் செலவால் நிதி நெருக்கடியை எதிர்கொண்டனர்.