ICAR-ன் கீழ் மகாராஷ்டிராவின் நாக்பூரில் செயல்படும் தேசிய மண் ஆய்வு மற்றும் நிலப் பயன்பாட்டுத் திட்டமிடல் அமைப்பு (NBSS&LUP) இந்தியாவின் முதல் மண் அமைப்பு (texture) வரைபடத்தை உருவாக்கியுள்ளது. இது நாடு முழுவதும் ஹெக்டேர் அளவில் டிஜிட்டல் மண் வகைப்பாட்டுத் தரவை வழங்குகிறது. மணல், வண்டல், களிமண் ஆகியவற்றின் விகிதத்தைப் பொறுத்து மண் அமைப்பு தீர்மானிக்கப்படுகிறது. குறிப்பிட்ட நிலத்துக்கு ஏற்ற பயிர்களை விவசாயிகள் தேர்வு செய்யவும், பிராந்தியக் கொள்கைகள், பயிர்த் திட்டமிடல், நிலப் பயன்பாட்டு உத்திகளுக்கும் இது உதவும். ஓராண்டுக்கு முன் இந்தியாவின் முதல் மண் ஆழ வரைபடத்தையும் NBSS&LUP வெளியிட்டது.