QS (குவாக்கரெல்லி சைமண்ட்ஸ்) எக்ஸிகியூட்டிவ் MBA தரவரிசை 2026-இல், உலக அளவில் 64வது இடத்துடன் IIM பெங்களூரு இந்தியாவின் முதன்மை நிறுவனமாகத் திகழ்கிறது. எக்ஸிகியூட்டிவ் MBA பிரிவில் உலகின் முதல் 100 இடங்களுக்குள் உள்ள ஒரே இந்திய நிறுவனம் இதுவே. இந்தியன் ஸ்கூல் ஆஃப் பிசினஸ் (ISB), IIM கோழிக்கோடு, IIM இந்தூர், காசியாபாத் மேலாண்மைத் தொழில்நுட்ப நிறுவனம் (IMT), வோக்ஸன் வணிகப் பள்ளி, IIM ராஞ்சி ஆகியவையும் பட்டியலில் இடம்பெற்றுள்ளன. உலக அளவில் ஆக்ஸ்போர்டு பல்கலைக்கழகத்தின் சைத் வணிகப் பள்ளி முதலிடமும், HEC பாரிஸ், MIT ஸ்லோன் அடுத்த இடங்களும் பெற்றன.