கேம்பிரிட்ஜ் பல்கலைக்கழகம், அடிலெய்டு பல்கலைக்கழகம் ஆகியவற்றின் ஆய்வாளர்கள் சூரிய ஒளியின் உதவியுடன் பிளாஸ்டிக் கழிவை ஹைட்ரஜன் எரிபொருளாக மாற்றும் அமைப்புகளை உருவாக்கியுள்ளனர். ஒளிச் சீர்திருத்தம் (Photoreforming) எனப்படும் இம்முறை, சூரிய ஆற்றலும் பாதுகாப்பான வினையூக்கிகளும் பிளாஸ்டிக்கைச் சிதைத்து ஹைட்ரஜனையும் பயனுள்ள தொழிற்சாலை வேதிப்பொருட்களையும் உருவாக்கும் ஒளிவினையூக்கச் செயல்முறையாகும். பாலிஎத்திலீன், பாலிப்ரோப்பிலீன் போன்ற பிளாஸ்டிக்குகளை ஹைட்ரஜன், சின்கேஸ் (syngas), அசிட்டிக் அமிலம், திரவ எரிபொருட்களாக மாற்ற முடியும். ஹைட்ரஜன் என்பது எண்ணெய் சுத்திகரிப்பு, அம்மோனியா உற்பத்தி போன்ற தொழில்களில் பயன்படும் தூய எரிபொருளாகும். உலகில் ஆண்டுதோறும் 400 மில்லியன் டன்னுக்கும் அதிகமான பிளாஸ்டிக் உற்பத்தி செய்யப்படுகிறது; ஆனால் பிளாஸ்டிக் கழிவில் சுமார் 10% முதல் 18% மட்டுமே மறுசுழற்சி செய்யப்படுகிறது.