பசிபிக் தீவுகள் மன்றத்தின் (PIF – Pacific Islands Forum) 'உத்திசார் கூட்டாளர் பிரிவில்' (Strategic Partner Stream) இந்தியா சேர்க்கப்பட்டுள்ளது. நியூயார்க்கில் நடைபெற்ற இந்தியா-FIPIC (இந்திய-பசிபிக் தீவுகள் ஒத்துழைப்பு மன்றம்) வெளியுறவு அமைச்சர்கள் கூட்டத்தில் இந்த அறிவிப்பு வெளியானது. 1971-இல் நிறுவப்பட்ட PIF-இல் 18 உறுப்பினர்கள் உள்ளனர். சுகாதாரம், புதுப்பிக்கத்தக்க ஆற்றல், இணைப்பு, தொழில்நுட்பம், திறன் மேம்பாடு ஆகிய துறைகளில் வளர்ச்சித் திட்டங்கள் குறித்து இந்தியா விவாதித்தது. 14 பசிபிக் தீவு நாடுகளில் 2,800 வீடுகளுக்குச் சூரிய மின்வசதி வழங்கி, 70 பெண் சூரிய மின் பொறியாளர்களுக்கு இந்தியா பயிற்சி அளித்துள்ளது. ஃபிஜியில் 100 படுக்கைகள் கொண்ட உயர் சிறப்பு மருத்துவமனையை அமைத்து வருவதுடன், 12 PIF உறுப்பு நாடுகளுக்கு 20 கடல் ஆம்புலன்ஸ்களை வழங்கவும் திட்டமிட்டுள்ளது.