கரீபியன் நாடுகளுடனான சுகாதார ஒத்துழைப்பை வலுப்படுத்த ஜமைக்காவில் ஆரோக்ய மைத்ரி அமைப்பை இந்தியா நிறுவியுள்ளது. இது உலகளாவிய அவசர உதவிக்கான இந்தியாவின் மனிதாபிமான உதவி மற்றும் பேரிடர் நிவாரணக் (HADR) கட்டமைப்பின் ஒரு பகுதி. ஆரோக்ய மைத்ரி என்பது பேரிடர்களின்போது விரைவான மருத்துவ உதவி, நோயறிதல், சிகிச்சை ஆகியவற்றை வழங்கும் எடுத்துச் செல்லக்கூடிய, தொகுதி அமைப்பிலான சுகாதாரப் பிரிவு. தேசியப் பாதுகாப்புக் குழுச் செயலகமும் வெளியுறவு அமைச்சகமும் இதனை ஒருங்கிணைத்தன; ரெயில்டெல் கார்ப்பரேஷன் ஆஃப் இந்தியா லிமிடெட், கிரீன் ஜீனோம் இந்தியா பிரைவேட் லிமிடெட் ஆகியவை இதில் இணைந்து செயல்பட்டன.