உலக வலசை உயிரினங்களின் நிலை அறிக்கையின் (State of the World's Migratory Species Report) இடைக்காலப் புதுப்பிப்பு, உலகளவில் ஏறக்குறைய பாதி வலசை உயிரினங்களின் இனத்தொகை குறைந்து வருவதாக எச்சரித்துள்ளது. ஐக்கிய நாடுகள் சுற்றுச்சூழல் திட்டத்தின் (UNEP) கீழ் உள்ள வலசை போகும் வன உயிரினங்களின் பாதுகாப்புக்கான உடன்படிக்கையின் (CMS) கீழ் இவ்வறிக்கை தயாரிக்கப்படுகிறது. CMS ஒப்பந்தத்தில் பட்டியலிடப்பட்ட 1,189 வலசை இனங்களின் பாதுகாப்பு நிலையை இது மதிப்பிடுகிறது. சுமார் 49% இனத்தொகைகள் குறைந்து வருகின்றன; சுமார் 24% இனங்கள் அழிவு அபாயத்தில் உள்ளன. வாழிட இழப்பு, மிகையான சுரண்டல், உள்கட்டமைப்பு மேம்பாடு, அதிநோய்க்கிருமி பறவைக் காய்ச்சல் (H5N1) போன்ற நோய்கள் முக்கிய அச்சுறுத்தல்களாகும்.