மார்ச் 8 அன்று கடைப்பிடிக்கப்பட்ட சர்வதேச மகளிர் தினத்தின் 2026 கருப்பொருள் "Rights. Justice. Action. For ALL Women and Girls" (உரிமைகள். நீதி. செயல். அனைத்துப் பெண்களுக்கும் சிறுமிகளுக்கும்) என்பதாகும். 2026-ஐச் சர்வதேசப் பெண் விவசாயி ஆண்டாக ஐக்கிய நாடுகள் அவை அறிவித்திருப்பதும் இந்நாளில் முன்னிலைப்படுத்தப்பட்டது. இந்தியாவில் கிராமப்புறப் பெண்களில் சுமார் 80% பேர் வேளாண்மையில் ஈடுபட்டு, கிட்டத்தட்ட 70% பண்ணை வேலைகளைச் செய்கின்றனர்; பயிர் உற்பத்தியில் 75%, தோட்டக்கலையில் 79%, கால்நடை வளர்ப்பு மற்றும் மீன்வளத்தில் 95% பங்களிக்கின்றனர். ஆனால் வேளாண் நிலங்களில் சுமார் 13.9% மட்டுமே பெண்களின் பெயரில் உள்ளன. கிராமங்களிலிருந்து ஆண்கள் இடம்பெயர்வது அதிகரித்ததால் 'வேளாண்மை பெண்மயமாதல்' (Feminisation of Agriculture) ஏற்பட்டுள்ளது; காலநிலை மாற்றம் பெண்களின் பாதிப்பை மேலும் அதிகரிக்கிறது.