புது டெல்லியில் நடைபெற்ற உலக பாரா தடகள கிராண்ட் பிரிக்ஸ் 2026-இல், 75 தங்கம், 69 வெள்ளி, 64 வெண்கலம் என மொத்தம் 208 பதக்கங்களுடன் இந்தியா முதலிடம் பிடித்தது. 35 பதக்கங்களுடன் ரஷ்யா இரண்டாம் இடமும், போஸ்னியா மற்றும் ஹெர்சகோவினா மூன்றாம் இடமும் பெற்றன. இரண்டு பாராலிம்பிக் வெண்கலப் பதக்கங்கள் வென்ற ப்ரீத்தி பால், மகளிர் 200 மீ. T35–T37 பிரிவில் தங்கம் வென்றார். ஆடவர் குண்டு எறிதல் F57 பிரிவில் 14.45 மீ. எறிந்து சுபம் ஜுயால் தங்கம் வென்றார்; ஆடவர் 200 மீ. T37–T44 பிரிவில் ராகேஷ்பாய் பட் தங்கம் வென்றார், அப்பிரிவின் மூன்று பதக்கங்களையும் இந்தியர்களே வென்றனர்; ஆடவர் 800 மீ. T53–T54 பிரிவில் மனோஜ்குமார் சபாபதி தங்கம் வென்றார்.