பிரான்ஸின் நைஸ் நகரில் நடைபெற்ற 'பாரத் இன்னோவேட்ஸ் 2026' (Bharat Innovates 2026) மாநாட்டில் இந்தியா–பிரான்ஸ் ATL (அடல் டிங்கரிங் ஆய்வகங்கள்) பாலம் அதிகாரப்பூர்வமாகத் தொடங்கப்பட்டது. இது இரு நாடுகளின் பள்ளி அளவிலான கண்டுபிடிப்பாளர்களையும் ஆசிரியர்களையும் இணைக்கும் இருதரப்புக் கல்வி-தொழில்நுட்ப வழித்தடமாகும். நிதி ஆயோக்கின் அடல் புத்தாக்க இயக்கம் (Atal Innovation Mission) மற்றும் லா ஃபவுண்டேஷன் டசால்ட் சிஸ்டம்ஸ் இணைந்து இதை உருவாக்கியுள்ளன. மாணவர்களிடம் தொடக்கநிலைப் பொறியியல் திறன், அறிவியல் மனப்பான்மை, வடிவமைப்புச் சிந்தனையை வளர்ப்பது இதன் நோக்கம். இதன் கீழ், இந்தியாவின் ATL மாதிரியில் பிரான்ஸின் முதல் பள்ளிப் புத்தாக்க ஆய்வகம் அமைக்கப்பட்டு, ரோபாட்டிக்ஸ், செயற்கை நுண்ணறிவு (AI), 3D அச்சிடல், மைக்ரோ எலக்ட்ரானிக்ஸ் ஆகியவற்றில் பயிற்சி வழங்கப்படும்.