BioE3 (பொருளாதாரம், சுற்றுச்சூழல், வேலைவாய்ப்புக்கான உயிரித் தொழில்நுட்பம்) கொள்கையின் கீழ், உயிரி அடிப்படையிலான, மக்கும் தன்மை கொண்ட பாலிலாக்டிக் அமில (PLA) நெகிழிகளின் வணிக மாற்றத்தையும் முன்னோட்ட அளவிலான உற்பத்தியையும் இந்தியா தொடங்கியுள்ளது. கரும்புச் சர்க்கரைப்பாகு (மொலாசஸ்), கரும்புச் சக்கை போன்ற வேளாண் மூலப்பொருட்களைப் பயன்படுத்தி, உத்தரப் பிரதேசத்தின் கும்பியில் ஆண்டுக்கு 100 டன் (TPA) திறன் கொண்ட முன்னோட்ட ஆலை அமைக்கப்படுகிறது. PLA என்பது கரும்பு, சோளம், மரவள்ளி போன்ற தாவரப் பொருட்களை நொதிக்கச் செய்து தயாரிக்கப்படும் வெப்ப நெகிழியாகும்; தொழிற்சாலை உரமாக்கல் மூலம் நீர், கார்பன் டை ஆக்சைடு, கரிமப் பொருளாக இது சிதைவடையும். பெட்ரோலிய நெகிழிகளைச் சார்ந்திருப்பதை இது குறைக்கும்; உரமாகும் பொதியிடல், வேளாண் படலங்கள், நுகர்வோர் பொருட்களில் பயன்படுத்தலாம்.