ஹன்டா வைரஸைக் கண்காணிப்பதற்காக 165 ஆய்வகங்களைக் கொண்ட நாடு தழுவிய வைரஸ் ஆராய்ச்சி மற்றும் நோயறிதல் ஆய்வக வலையமைப்பை (Viral Research and Diagnostic Laboratory Network) இந்தியா செயல்படுத்தியுள்ளது. இந்தக் கண்காணிப்பு அமைப்பு இந்திய மருத்துவ ஆராய்ச்சிக் கழகம் (ICMR), தேசிய வைராலஜி நிறுவனம் (NIV), உலக சுகாதார நிறுவனம் (WHO) ஆகியவற்றுடன் இணைந்து செயல்படுகிறது. ஆப்பிரிக்காவின் கேப் வெர்டே அருகே டச்சு சுற்றுலாக் கப்பலான MV Hondius-இல் ஹன்டா வைரஸ் பரவல் சந்தேகிக்கப்பட்டதைத் தொடர்ந்து இந்நடவடிக்கை எடுக்கப்பட்டுள்ளது. ஹன்டா வைரஸ், பாதிக்கப்பட்ட எலிகளின் சிறுநீர், உமிழ்நீர், எச்சம் மூலம் பரவும் விலங்குவழித் தொற்று நோயாகும்; இது ஹன்டா வைரஸ் நுரையீரல் நோய்க்குறி (HPS), சிறுநீரக நோய்க்குறியுடன் கூடிய இரத்தப்போக்குக் காய்ச்சல் (HFRS) ஆகியவற்றை ஏற்படுத்தக்கூடும். ஆண்டிஸ் வைரஸ் வகையில் மட்டுமே மனிதரிடமிருந்து மனிதருக்கு அரிதாகப் பரவியுள்ளது. குறிப்பிட்ட தடுப்பூசியோ மருந்தோ இல்லாததால் எலிக் கட்டுப்பாடும் சுகாதாரமுமே முக்கியத் தடுப்பு வழிகளாகும்.