பாரிஸில் நடைபெற்ற விவாடெக் 2026 (VivaTech 2026) நிகழ்வில் வெளியிடப்பட்ட 'உலகளாவிய ஸ்டார்ட்அப் சூழல் அறிக்கை 2026'-இல் (GSER 2026), செயற்கை நுண்ணறிவு (AI) சார்ந்த ஸ்டார்ட்அப் தொகுப்புகளில் ஆசியாவில் இரண்டாவது இடத்தைப் பெங்களூரு பிடித்துள்ளது. உலகின் முதல் 40 ஸ்டார்ட்அப் சூழல்களில் 15-வது இடமும், ஆசியாவில் 6-வது இடமும் பெற்று, இந்தியாவின் மிக உயர்ந்த தரவரிசை கொண்ட சூழலாக இது விளங்குகிறது. செயல்திறன், ஆராய்ச்சி-மேம்பாடு (R&D) ஆகியவற்றில் 10-க்கு 9, AI தொகுப்பில் 8, நிதி மற்றும் சந்தை அணுகலில் 7 மதிப்பெண்கள் பெற்றது. இந்தியாவின் AI ஸ்டார்ட்அப் நிதியில் 58%-ஐப் பெங்களூரு ஈர்க்கிறது; 2020 முதல் சுமார் 150 கோடி அமெரிக்க டாலர் திரட்டியுள்ளது. இதன் சூழல் மதிப்பு 15,300 கோடி அமெரிக்க டாலர்; உலகச் சராசரி 11 என்ற நிலையில், இங்கு 30 செயலில் உள்ள யூனிகார்ன்கள் உள்ளன.