மேம்பட்ட ஆய்வு முறைகள் மற்றும் செயற்கை நுண்ணறிவு (AI) மூலம் குறைப்பிரசவங்களை முன்கூட்டியே கணித்துத் தடுக்க இந்திய அரசு GARBH-INi முன்முயற்சியைப் பயன்படுத்தி வருகிறது. GARBH-INi (Interdisciplinary Group for Advanced Research on Birth Outcomes) என்பது ஒன்றிய உயிரி தொழில்நுட்பத் துறையின் (DBT) முதன்மைத் திட்டம். சுமார் 12,000 கர்ப்பிணிப் பெண்களைப் பின்தொடர்ந்து ஆரம்பகால ஆபத்துக் காரணிகளைக் கண்டறியும் இந்தியாவின் மிகப்பெரிய கர்ப்பகாலக் குழு ஆய்வு (cohort study) இதில் அடங்கும். AI, மருத்துவத் தொற்றுநோயியல், மரபணுவியல் (genomics), புரதவியல் (proteomics), நுண்ணுயிரியம் (microbiome) போன்ற பல்-ஓமிக்ஸ் முறைகள் துல்லியமான கணிப்புக்குப் பயன்படுத்தப்படுகின்றன. GARBH-INi-DRISHTI என்ற டிஜிட்டல் தளம் ஆய்வாளர்கள் தரவுகளை அணுகவும் பகுப்பாய்வு செய்யவும் பகிரவும் உதவுகிறது. உலகிலேயே அதிக எண்ணிக்கையிலான குறைப்பிரசவங்கள் நிகழும் நாடுகளில் இந்தியாவும் ஒன்று.