சந்திரயான்-4 திட்டத்துக்காக, மோன்ஸ் மௌட்டன் அருகே பாதுகாப்பான தரையிறங்கும் பகுதியை ISRO-வின் விண்வெளிப் பயன்பாட்டு மையம் தேர்வு செய்துள்ளது. மோன்ஸ் மௌட்டன் என்பது நிலவின் தென் துருவத்திலிருந்து சுமார் 160 கி.மீ. தொலைவில், மிகப் பெரிய மற்றும் மிகப் பழமையான மோதல் படுகைகளில் ஒன்றான தென் துருவ-ஐட்கென் படுகையின் விளிம்பருகே உள்ள, தட்டையான உச்சி கொண்ட பெரிய மலை. சுமார் 100 கி.மீ. அகலமும் 6,000 மீ. உயரமும் கொண்ட இதில் கரடுமுரடான பள்ளங்களும் பாறைகளும் உள்ளன; சில பகுதிகள் ஏறக்குறைய தொடர்ச்சியான சூரிய ஒளியையும், சில நிரந்தர நிழலையும் பெறுகின்றன.