18-ஆவது BRICS உச்சி மாநாட்டின் புது தில்லி பிரகடனம், பெங்களூரு தேசிய மனநல மற்றும் நரம்பியல் அறிவியல் நிறுவனத்தை (NIMHANS) ஒருங்கிணைப்பு மையமாகக் கொண்ட மனநலச் சிறப்பு மையங்களின் (CoEs) வலையமைப்பை ஆதரிக்கிறது. ஒவ்வொரு உறுப்பு நாட்டின் பிரதிநிதிகளும் இணைந்து நிர்வகிக்கும் இவ்வலையமைப்பு, கூட்டு ஆராய்ச்சி, கொள்கை உரையாடல், சிறந்த நடைமுறைகள் பரிமாற்றம், சான்று அடிப்படையிலான மனநல உத்திகளை ஊக்குவித்து, மனநலத்தை ஆரம்ப சுகாதாரப் பராமரிப்பில் இணைக்க உதவும். ஆரோக்கிய வாழ்க்கை முறைக்கான BRICS இயக்கம், ஆரோக்கிய வாழ்க்கை முறை மேம்பாட்டுக்கான BRICS வழிகாட்டி (2026–29) ஆகியவற்றையும் பிரகடனம் ஏற்றது; BRICS சுகாதாரப் பிரிவின் கீழ் பாரம்பரிய மற்றும் நிரப்பு/ஒருங்கிணைந்த மருத்துவத்துக்கான (TCIM) நிபுணர் பணிக்குழுவும் முன்மொழியப்பட்டது.