சர்வதேச காபி அமைப்பின் (ICO) “Coffee is Part of the Solution” என்ற பிரச்சாரத்துடன் சர்வதேச காபி தினம் அக்டோபர் 1 அன்று அனுசரிக்கப்பட்டது. உலகளவில் சுமார் 1.25 கோடி (12.5 மில்லியன்) விவசாயக் குடும்பங்களுக்குக் காபி வருமானம் அளிப்பதாக ICO தெரிவிக்கிறது. இந்தியாவில் காபி முக்கியமாகக் கர்நாடகா, கேரளா, தமிழ்நாட்டில் பயிரிடப்படுகிறது; ஆந்திரப் பிரதேசம், ஒடிசா, வடகிழக்கு மாநிலங்களிலும் சாகுபடி உள்ளது. 2024–25-இல் இந்தியா சாதனை அளவாக 3,63,500 மெட்ரிக் டன் (அராபிகா 1,05,700 டன், ரோபஸ்டா 2,57,800 டன்) உற்பத்தி செய்து, மறு ஏற்றுமதி உட்பட 3,88,925 டன் காபியை 126 நாடுகளுக்கு ஏற்றுமதி செய்தது. தனிநபர் காபி நுகர்வில் ஆண்டுக்குச் சுமார் 11.9 கிலோவுடன் பின்லாந்து முதலிடத்தில் உள்ளது.