வங்காள விரிகுடா பல்துறை தொழில்நுட்ப மற்றும் பொருளாதாரக் கூட்டுறவு முன்னெடுப்பின் (BIMSTEC) முதல் உள்துறை அமைச்சர்கள் கூட்டம் புது தில்லியில் நடைபெற்று, 'தில்லி பிரகடனம் 2026' ஏற்கப்பட்டதுடன் நிறைவடைந்தது. பிம்ஸ்டெக் அமைப்பில் வங்கதேசம், பூடான், இந்தியா, மியான்மர், நேபாளம், இலங்கை, தாய்லாந்து ஆகிய ஏழு நாடுகள் உறுப்பினர்களாக உள்ளன. பயங்கரவாதம், பயங்கரவாத நிதியுதவி, பணமோசடி (கறுப்புப் பணப் பரிமாற்றம்), இணைய மோசடி, மனிதக் கடத்தல், போதைப்பொருள் கடத்தல் ஆகியவற்றுக்கு எதிரான ஒத்துழைப்பை இப்பிரகடனம் வலுப்படுத்துகிறது. உளவுத் தகவல் பகிர்வை அதிகரித்தல், பாதிக்கப்பட்டோரை மீட்டு மறுவாழ்வு அளித்தல், குற்றவாளிகளை நாடு கடத்துதல் உள்ளிட்ட சட்ட ஒத்துழைப்பு ஆகியவற்றுக்கு அது அழைப்பு விடுக்கிறது. மேலும் பாதுகாப்புப் பயிற்சி, ஐ.நா. போதைப்பொருள் மற்றும் குற்றத் தடுப்பு அலுவலகம் (UNODC), INTERPOL, நிதி நடவடிக்கைப் பணிக்குழு (FATF), ஆசிய-பசிபிக் பணமோசடித் தடுப்புக் குழு (APG) ஆகியவற்றுடனான ஒத்துழைப்பையும் ஆதரிக்கிறது.