அகமதாபாத்தில் நடைபெற்ற உலக பாரா வில்வித்தைத் தொடர் மூன்றாம் கட்டப் போட்டியில் இந்தியா நான்கு தங்கம், மூன்று வெள்ளி, எட்டு வெண்கலம் என 15 பதக்கங்களை வென்றது. மகளிர் காம்பவுண்ட் பிரிவில் ஷீத்தல் தேவி தங்கம் வென்றார்; ஆடவர் காம்பவுண்ட் இரட்டையர் பிரிவில் தோமன் குமார், ஷியாம் சுந்தர் சுவாமி தங்கம் வென்றனர். ஆடவர் ரிகர்வ் இரட்டையர் பிரிவில் ஹர்விந்தர் சிங், விஜய் சுண்டி இணையும், ரிகர்வ் கலப்பு அணிப் பிரிவில் பாவனா, ஹர்விந்தர் சிங் இணையும் தங்கம் வென்றன. ரிகர்வ் இரட்டையரில் பாவனா-பூஜா, W1 கலப்பு அணியில் சுவாதி சௌத்ரி-அதில் அன்சாரி, பார்வைக் குறைபாடுடையோர் வில்வித்தையில் தன்வி இங்காலே ஆகியோர் வெள்ளி வென்றனர்.