இந்தியாவின் அலங்கார மீன் துறையை மேம்படுத்தும் உத்திசார் செயல் திட்டமான 'மிஷன் ரங்கீன் மச்லி 2031'-ஐ குடியரசுத் துணைத் தலைவர் சி. பி. ராதாகிருஷ்ணன் லட்சத்தீவின் அகத்தியில் வெளியிட்டார். மீன்வளம், கால்நடை பராமரிப்பு மற்றும் பால்வள அமைச்சகத்தின் மீன்வளத் துறை இதனைச் செயல்படுத்துகிறது. இனப்பெருக்கம், குஞ்சு பொரிப்பகங்கள், உற்பத்தி, தனிமைப்படுத்தல், நோய் மேலாண்மை, சான்றிதழ், போக்குவரத்து, ஏற்றுமதி என முழு விநியோகச் சங்கிலியையும் இது உள்ளடக்குகிறது. சீரான நடைமுறைகள், தர உறுதி, உயிரியல் பாதுகாப்பு, கண்டறியும் தன்மை ஆகியவற்றையும், விவசாயிகள் மற்றும் வணிகர்களின் திறன், சர்வதேசச் சந்தை அணுகலையும் மேம்படுத்துவது இதன் நோக்கம். லட்சத்தீவு ஏற்கெனவே கடற்பாசித் தொகுப்பு மையமாக அடையாளம் காணப்பட்டுள்ளது.