மாநிலங்களுக்குள் உள்ள மின் பரிமாற்ற அமைப்புகளை வலுப்படுத்தும் PM-DHARA (PM-Developing Harmonized and Accelerated Renewable-energy Access) திட்டத்திற்கு ஒன்றிய அமைச்சரவை ஒப்புதல் அளித்துள்ளது. 2032–33 நிதியாண்டுக்குள் 135 GW வரையிலான புதுப்பிக்கத்தக்க மின்சாரத்தை வெளியேற்றுவது (evacuation) இதன் இலக்கு. மாநிலங்களுக்குள்ளான மின் பரிமாற்றக் கட்டணங்களை ஈடுசெய்து மின் கட்டணத்தைக் குறைவாக வைத்திருக்க ₹54,082 கோடி மத்திய நிதியுதவி வழங்கப்படும். மின் தொகுப்பின் நெகிழ்வுத்தன்மையை மேம்படுத்தவும், சூரிய, காற்றாலை மின்சாரத்தின் ஏற்ற இறக்கத்தைச் சமாளிக்கவும் 50 GWh மின்கல ஆற்றல் சேமிப்பு அமைப்புகள் (BESS) நிறுவப்படும். ஆற்றல் பாதுகாப்பு, ஆற்றல் சேமிப்பு, கார்பன் தடம் குறைப்பு ஆகியவற்றுக்கு உதவும் இத்திட்டம், 2035-க்குள் 900 GW புதைபடிவமல்லாத நிறுவுதிறன் என்ற இந்தியாவின் இலக்கை ஆதரிக்கிறது.