ஓசூர் வனக் கோட்டத்தின் காவிரி வடக்கு வனவிலங்கு சரணாலயத்தில் மூன்று புதிய யானை வழித்தடங்களைத் தமிழ்நாடு அரசு அறிவிக்கை செய்துள்ளது. தமிழ்நாடு–கர்நாடகா இடையே ஆசிய யானைகள் பயன்படுத்தும் காவிரி கடந்த இடப்பெயர்வுப் பாதையின் ஒரு பகுதி இவை. ஜவளகிரி–உளிபண்டா–தக்கட்டி வழித்தடம் 18.50 கி.மீ. நீளம், 3,241.53 ஹெக்டேர்; ஜவளகிரி–பனை–அஞ்செட்டி 20.90 கி.மீ., 6,881.47 ஹெக்டேர்; பிலிக்கல்–ஜவளகிரி 2.20 கி.மீ., 196 ஹெக்டேர். மூன்றும் காப்புக்காடு மற்றும் சரணாலய எல்லைக்குள் இருப்பதால் தனியார், பொது அல்லது வருவாய் கிராம நிலம் எதுவும் பாதிக்கப்படவில்லை.