கர்நாடகாவின் தேவதுர்கா தொகுதியில் சிங்கரேணி நிலக்கரி நிறுவனம் தங்கம்-தாமிர ஆய்வு தொடக்கம்

தெலங்கானாவின் சிங்கரேணி நிலக்கரி நிறுவனம் (SCCL), கர்நாடகாவின் ராய்ச்சூர் மாவட்டம், தேவதுர்கா தாலுகாவில் உள்ள லிங்கதஹள்ளி கிராமத்தில் தங்கம் மற்றும் தாமிர ஆய்வுத் திட்டத்தைத் தொடங்கியுள்ளது; இதன் மூலம் SCCL முதன்முறையாகத் தங்கம், தாமிர ஆய்வில் நுழைந்துள்ளது. 199.13 சதுர கி.மீ. பரப்பிலான தேவதுர்கா கனிமத் தொகுதி ஒன்றிய சுரங்க அமைச்சகத்தின் ஏலம் மூலம் ஒதுக்கப்பட்டது. கர்நாடக சுரங்கம் மற்றும் புவியியல் துறைக்கும் SCCL-க்கும் இடையே 2026 ஆகஸ்ட் 6 அன்று ஆய்வு ஒப்பந்தம் கையெழுத்தானது. அனல் மின் நிலையங்களுக்கான நிலக்கரி விநியோகம் தொடர்பாக கர்நாடக மின் கழகத்துடன் (KPCL) கூட்டு நிறுவனம் அமைக்கவும் SCCL முன்மொழிந்துள்ளது.