தகுதியுள்ள குடும்பங்களுக்கு நிரந்தர வீடுகளை வழங்க, 2025-26-க்கான கலைஞரின் கனவு இல்லம் திட்டத்தின் கீழ் கூடுதலாக ஒரு லட்சம் வீடுகள் கட்ட ₹3,500 கோடிக்குத் தமிழ்நாடு அரசு நிர்வாக ஒப்புதல் அளித்தது. போட்டித் தேர்வு ஆர்வலர்களுக்கான 'தேர்வுக்களம்' கைபேசிச் செயலியையும், இளைஞர் திறன் மேம்பாட்டுக்கான 'திறன் 360' தளத்தையும் முதலமைச்சர் மு.க. ஸ்டாலின் தொடங்கிவைத்தார். அகில இந்தியப் பணிகளுக்கான பயிற்சி மையமாகச் செயல்பட, சென்னை செனாய் நகரில் ₹62.50 கோடியிலான கட்டடத்துக்கு அடிக்கல் நாட்டியதுடன், சோழிங்கநல்லூரில் ELCOT அமைத்த ELCOSEZ-ஐக் காணொலி வாயிலாகத் திறந்துவைத்தார்.