கோஸ்டல் லோக்கல் ஏரியா வங்கி லிமிடெட், இந்திய ரிசர்வ் வங்கிச் சட்டம், 1934-இன் இரண்டாவது அட்டவணையில் சேர்க்கப்பட்டு, RBI அறிவிப்பின் மூலம் 'பட்டியலிடப்பட்ட வங்கி' அந்தஸ்தைப் பெற்றுள்ளது. ஆந்திரப் பிரதேசத்தின் விஜயவாடாவைத் தலைமையிடமாகக் கொண்டு 26 ஆண்டுகளாகச் செயல்படும் இவ்வங்கி, 12 மாவட்டங்களில் 57 கிளைகளை நடத்துகிறது. ஆந்திராவின் விஜயநகரம், பிரகாசம் மற்றும் தெலங்கானாவின் கம்மம் ஆகிய இடங்களுக்கு 13 கூடுதல் கிளைகளுடன் விரிவாக்க அண்மையில் RBI ஒப்புதல் பெற்றது. இந்த அந்தஸ்து புதிய வாடிக்கையாளர்கள், நிறுவன வைப்பாளர்களை ஈர்க்கவும், நடப்பு மற்றும் சேமிப்புக் கணக்கு (CASA) வைப்புகளை அதிகரிக்கவும் உதவும்.