இரண்டுக்கும் மேற்பட்ட குழந்தைகளைக் கொண்டவர்கள் பஞ்சாயத்து ராஜ் மற்றும் நகர்ப்புற உள்ளாட்சித் தேர்தல்களில் போட்டியிடுவதைத் தடுத்த விதியை ராஜஸ்தான் அமைச்சரவை நீக்கியுள்ளது. மக்கள்தொகைக் கட்டுப்பாட்டுக்காக 1995-ல் இரு குழந்தை விதி கொண்டுவரப்பட்டது; ஆனால் மாநிலத்தின் கருவுறுதல் விகிதம் 1991-94-ல் இருந்த 3.6-லிருந்து 2-ஆகக் குறைந்துவிட்டதால் அது காலாவதியானதாகக் கருதப்படுகிறது. ராஜஸ்தான் பஞ்சாயத்து ராஜ் சட்டம், 1994 மற்றும் ராஜஸ்தான் நகராட்சிகள் சட்டம், 2009 ஆகியவற்றைத் திருத்த, நடப்புச் சட்டப்பேரவைக் கூட்டத்தொடரில் இரண்டு திருத்த மசோதாக்கள் அறிமுகப்படுத்தப்படும்.