ஏற்றுமதி ஊக்குவிப்பு இயக்கத்தின் கீழ் சந்தை அணுகல் ஆதரவுத் திட்டம் தொடக்கம்

இந்திய ஏற்றுமதியாளர்கள் வெளிநாட்டுச் சந்தைகளை அடைய உதவும் வகையில், மத்திய அரசு சந்தை அணுகல் ஆதரவு (Market Access Support - MAS) திட்டத்தைத் தொடங்கியது. இது ஏற்றுமதி ஊக்குவிப்பு இயக்கத்தின் (Export Promotion Mission) நிர்யாத் திஷா (NIRYAT DISHA) துணைத் திட்டத்தின் கீழ் வருகிறது; முதன்மையாக குறு, சிறு மற்றும் நடுத்தர நிறுவனங்கள் (MSME) மற்றும் முதன்முறை ஏற்றுமதியாளர்களை இலக்காகக் கொண்டுள்ளது. வர்த்தகக் கண்காட்சிகள், பொருட்காட்சிகள், வாங்குவோர்-விற்போர் சந்திப்புகள் ஆகியவற்றில் பங்கேற்பதற்கு MAS நிதி மற்றும் நிறுவன ரீதியான உதவியை வழங்குகிறது. ஏற்றுமதியைப் பன்முகப்படுத்தி, இந்தியப் பொருட்களின் போட்டித்திறனை உயர்த்துவதே இதன் நோக்கம்.