மதுரை மீனாட்சி-சுந்தரேசுவரர் கோயிலில் 17 ஆண்டுகள் இடைவெளிக்குப் பிறகு குடமுழுக்கு நடைபெற்றது. சுமார் 1,800 ஆண்டுகள் பழமையானதாகக் கருதப்படும் இக்கோயிலில் நான்கு ராஜ கோபுரங்கள் உட்பட 14 கோபுரங்கள், பொற்றாமரைக் குளம், கருங்கல் மண்டபங்கள் உள்ளன. சோழர், பாண்டியர், விஜயநகர மன்னர்கள், நாயக்கர்கள் இதனை உருவாக்கினர்; விஸ்வநாத நாயக்கர், திருமலை நாயக்கர், ராணி மங்கம்மாள் உள்ளிட்ட நாயக்கர்களின் பங்களிப்பே மிகுதி. மீனாட்சி சன்னதி 12-ஆம் நூற்றாண்டில் குலசேகர பாண்டியன் காலத்தில் கட்டப்பட்டது. அஷ்ட சக்தி மண்டபம் முதன்மை நுழைவாயில்; ஊஞ்சல் மண்டபம் 1653-இல் கட்டப்பட்டது. தில்லி சுல்தானியப் படையெடுப்புகளால் 1323 முதல் 1371 வரை கோயில் மூடப்பட்டிருந்தது; 1378-இல் குமார கம்பண்ணர் வழிபாட்டை மீட்டெடுத்தார்.