இந்திய மருந்துகள் மற்றும் மருத்துவ சாதனங்கள் பணியகம் (PMBI) நாடு முழுவதும் சுகாதார முகாம்களை நடத்தியதன் மூலம், மக்கள் மருந்தக வாரம் (Janaushadhi Saptah) 2026 மார்ச் 1 முதல் 5 வரை கொண்டாடப்பட்டது. மலிவு விலைப் பொதுப்பெயர் மருந்துகள் (Generic Medicines) குறித்த விழிப்புணர்வைப் பரப்ப, ஒவ்வோர் ஆண்டும் மார்ச் 7 அன்று மக்கள் மருந்தக தினம் (Jan Aushadhi Diwas) கடைப்பிடிக்கப்படுகிறது. தரமான மருந்துகளைப் பொதுமக்களுக்குக் குறைந்த விலையில் கிடைக்கச் செய்யும் பிரதம மந்திரி பாரதிய மக்கள் மருந்தகத் திட்டத்தின் (PMBJP) கீழ், பிரதம மந்திரி பாரதிய மக்கள் மருந்தகங்கள் (PMBJAKs) மூலம் இம்மருந்துகள் விற்கப்படுகின்றன.