புயல்களை எதிர்கொள்ளும் தயார்நிலையை வலுப்படுத்தும் வகையில், இந்திய வானிலை ஆய்வு மையம் (IMD) 'புயல் எச்சரிக்கை மற்றும் கடல் வானிலைச் சேவைகள் முடிவு ஆதரவு அமைப்பு' (DSS) என்ற ஊடாடும் தளத்தை அறிமுகம் செய்துள்ளது. இணையப் புவியியல் தகவல் அமைப்பு (WebGIS) அடிப்படையில் இயங்கும் இத்தளத்தில் புயல் செல்லும் பாதை, காற்றின் வேகம், மழை எச்சரிக்கை, புயல் அலை (storm surge) விவரங்கள் வரைபடமாகக் காட்டப்படுகின்றன. பேரிடர் மேலாண்மை அமைப்புகள், அரசு முகமைகள், பொதுமக்கள் ஆகியோருக்குக் குறிப்பிட்ட இடத்துக்கேற்ற எச்சரிக்கைகளை அனுப்புவதன் மூலம், மக்களை வெளியேற்றும் திட்டமிடல், உடனடி முடிவெடுத்தல், பேரிடர் அபாயக் குறைப்பு ஆகியவற்றுக்கு இது துணைபுரிகிறது. 2013-இல் ஃபைலின், 2014-இல் ஹுத்ஹுத் புயல்கள் கரையைக் கடந்ததன் ஆண்டு நினைவு நாட்களை ஒட்டி இது வெளியிடப்பட்டது.