மீன்வளம், நீர்வாழ் உயிரின வளர்ப்பு மேம்பாட்டுக்கான ஒன்றியத் திட்டமான பிரதமரின் மத்ஸ்ய சம்பதா யோஜனாவின் (PMMSY) கீழ், ஜார்க்கண்டின் ஹசாரிபாக் இந்தியாவின் முதல் முத்து வளர்ப்புத் தொகுப்பாக (pearl cluster) உருவெடுத்துள்ளது. இம்மாவட்டம் 2024 ஆகஸ்ட் 30 அன்று அதிகாரப்பூர்வமாக முத்துத் தொகுப்பாக அறிவிக்கப்பட்டது; ஒன்றிய அரசும் ஜார்க்கண்ட் அரசும் இதற்கு ₹22 கோடி முதலீடு செய்துள்ளன. ஹசாரிபாக்கிலிருந்து 1.02 லட்சம் முத்துகள் உற்பத்தியானதைத் தேசிய மீன்வள மேம்பாட்டு வாரியம் (NFDB) பதிவு செய்துள்ளது. ஹைரியோப்சிஸ் குமிங்கி (Hyriopsis cumingii) என்ற நன்னீர் சிப்பி இனம் இங்கு முத்து வளர்ப்புக்குப் பயன்படுத்தப்படுகிறது.