மறுசுழற்சி மற்றும் நிலைத்தன்மையை மேம்படுத்தும் நோக்கில், இந்தியாவின் ஜவுளிக் கழிவு மதிப்புச் சங்கிலியை வரைபடமாக்கும் அறிக்கையை ஒன்றிய ஜவுளி அமைச்சகம் வெளியிட்டுள்ளது. உற்பத்திச் செயல்முறைகள் மற்றும் நுகர்வுக்குப் பிந்தைய அப்புறப்படுத்தல் மூலம் நாட்டில் ஆண்டுக்குச் சுமார் 70.73 லட்சம் டன் ஜவுளிக் கழிவு உருவாகிறது. வலுவான சேகரிப்பு மற்றும் மறுசுழற்சி அமைப்புகளால் நுகர்வுக்கு முந்தைய கழிவில் சுமார் 95% மீட்கப்படுகிறது; நூற்பு (spinning) துறை மூடிய சுழற்சி (closed-loop) முறைகள் மூலம் கிட்டத்தட்ட 100% கழிவை மீண்டும் பயன்படுத்துகிறது. மொத்த ஜவுளிக் கழிவில் சுமார் 70% குப்பைக் கிடங்குகளுக்குச் செல்லாமல் மறுசுழற்சி, மறுபயன்பாடு, மேம்படுத்திய மறுசுழற்சி (upcycling) அல்லது தரம் குறைத்த மறுசுழற்சி (downcycling) செய்யப்படுகிறது. 2030-க்குள் ஜவுளி மறுசுழற்சிச் சந்தை 3.5 பில்லியன் அமெரிக்க டாலரை எட்டி, சுமார் ஒரு லட்சம் பசுமை வேலைவாய்ப்புகளை உருவாக்கக்கூடும்.