ஜனவரி 2027 முதல், டிஜிட்டல் தளப் பணி, ஊதியமில்லா வீட்டு வேலை மற்றும் பராமரிப்புப் பணி, தன்னார்வப் பணி, பயிற்சியாளர் பணி ஆகியவற்றைச் சிறப்பாகப் பதிவு செய்யும் வகையில் காலமுறை தொழிலாளர் சக்தி கணக்கெடுப்பை (PLFS) ஒன்றிய அரசு மாற்றியமைக்க உள்ளது. புள்ளியியல் மற்றும் திட்ட அமலாக்க அமைச்சகத்தின் (MoSPI) கீழ் உள்ள தேசிய மாதிரி கணக்கெடுப்பு அலுவலகம் (NSSO) கணக்கெடுப்பு வடிவமைப்பையும் அட்டவணையையும் மாற்றும். குறைந்தது ஒரு டிஜிட்டல் தளப் பணியாளர் உள்ள குடும்பங்களைக் கண்டறிய தனி இரண்டாம் நிலை அடுக்கு (Second Stage Stratum - SSS) அமைக்கப்படும்; இதனால் கிக் தொழிலாளர்கள் குறித்த தரவு மேம்படும். சமையல், சுத்தம் செய்தல், குழந்தைப் பராமரிப்பு, முதியோர், நோயாளிகள், மாற்றுத்திறனாளிகளைப் பராமரித்தல் குறித்த கேள்விகளும், சொந்தப் பயன்பாட்டு உற்பத்தி மற்றும் ஊதியமில்லா பயிற்சிப் பணி ஆகியவையும் சேர்க்கப்படும்; இவை முன்பு PLFS-இல் தனியாகப் பதிவு செய்யப்படவில்லை. மாதிரி ஒதுக்கீடு மற்றும் அடுக்கமைப்பும் புதுப்பிக்கப்படும்.
