தனியார் துறை ஊழியர்களுக்காகக் கேரளா 'துண்டிக்கும் உரிமை மசோதா, 2025'-ஐ (Right to Disconnect Bill) அறிமுகப்படுத்தியுள்ளது. பணி நேரத்துக்குப் பிறகு வரும் அலுவல் அழைப்புகள், மின்னஞ்சல்கள், செய்திகள் மற்றும் இணையவழிக் கூட்டங்களை எவ்விதத் தண்டனையோ ஒழுங்கு நடவடிக்கையோ இன்றிப் புறக்கணிக்க இது அனுமதிக்கும். இது நிறைவேற்றப்பட்டால், இத்தகைய சட்டம் கொண்ட முதல் இந்திய மாநிலமாகக் கேரளா திகழும். பிரான்ஸ், ஸ்பெயின், இத்தாலி, ஜெர்மனி, பெல்ஜியம் ஆகிய நாடுகளில் ஏற்கனவே இதுபோன்ற விதிகள் உள்ளன.