விக்சித் பாரத் பில்டத்தான் (VBB) 2025, நாடு முழுவதிலிருந்து 2,87,967 திட்டச் சமர்ப்பிப்புகளைப் பெற்று, “மிகப்பெரிய புத்தாக்கத் தீர்வுப் போட்டி” (Largest Innovation Solution Competition) என்ற கின்னஸ் உலக சாதனைப் பட்டத்தைப் பெற்றது. ஒன்றிய கல்வி அமைச்சகம், பள்ளிக் கல்வி மற்றும் எழுத்தறிவுத் துறை (DoSEL) மூலம், அடல் புத்தாக்க இயக்கம் (AIM), நிதி ஆயோக், அகில இந்தியத் தொழில்நுட்பக் கல்விக் குழு (AICTE) ஆகியவற்றுடன் இணைந்து இதை நடத்தியது. யோசனை (Idea), முன்மாதிரி (Prototype) ஆகிய பிரிவுகள் மூலம் பள்ளி மாணவர்களிடம் படைப்பாற்றல், அறிவியல் ஆர்வம், தொழில்முனைவு, சிக்கல் தீர்க்கும் திறன் ஆகியவற்றை இது வளர்க்கிறது. இதன் நான்கு தூண்கள்: ஆத்மநிர்பர் பாரத், சுதேசி, வோக்கல் ஃபார் லோக்கல், சம்ரித் பாரத். இந்நிகழ்வில் ULLAS (சமூகத்தில் அனைவருக்கும் வாழ்நாள் கற்றல் புரிதல்) – நவ பாரத் சாக்ஷரதா கார்யக்ரம் திட்டத்தின் கீழ் ஆசிரியர் கல்வி நிறுவனங்களுக்கான வழிகாட்டுதல்களும் வெளியிடப்பட்டன.
