மகாராஷ்டிராவின் வசாயில் உள்ள 475 ஆண்டுகள் பழமையான அன்னை அருள் பேராலயம் (Our Lady of Grace Cathedral), கலாச்சாரப் பாரம்பரியப் பாதுகாப்புக்கான 2025 யுனெஸ்கோ ஆசிய-பசிபிக் விருதுகளில் தகுதி விருதை (Award of Merit) பெற்றது. பாரம்பரியக் கட்டடங்களின் வரலாற்று, கட்டடக்கலை மதிப்பைப் பேணும் சிறந்த பாதுகாப்புப் பணிகளை இவ்விருது அங்கீகரிக்கிறது. மும்பை அருகே பால்கர் மாவட்டத்தில் அமைந்துள்ள இப்பேராலயம், வசாய் வரலாற்றின் போர்த்துகீசியர் காலத்தைச் சேர்ந்தது. கலாச்சார முக்கியத்துவம் வாய்ந்த கட்டடங்களை மீட்டெடுக்கும் தனியார், அரசு முயற்சிகளை இவ்விருதுகள் கௌரவிக்கின்றன.