கவிஞர் வைரமுத்துவுக்கு 2026-ஆம் ஆண்டுக்கான ஞானபீட விருது வழங்கப்பட்டுள்ளது. 24 ஆண்டுகளுக்குப் பிறகு இவ்விருதைப் பெறும் இவர், இவ்விருதைப் பெறும் மூன்றாவது தமிழ் எழுத்தாளர் ஆவார். இதற்கு முன் அகிலன், ஜெயகாந்தன் ஆகியோர் இவ்விருதைப் பெற்றுள்ளனர். 'கள்ளிக்காட்டு இதிகாசம்' நாவலுக்காக வைரமுத்து 2003-இல் சாகித்திய அகாதமி விருதைப் பெற்றார்.
இந்தியாவின் மிகப் பழமையான மற்றும் உயரிய இலக்கிய விருதான ஞானபீட விருது, 1944-இல் சாகு சாந்தி பிரசாத் ஜெயின் நிறுவிய பாரதிய ஞானபீடத்தால் 1961-இல் ஏற்படுத்தப்பட்டது. அரசியலமைப்பின் எட்டாவது அட்டவணையில் உள்ள மொழிகள் மற்றும் ஆங்கிலத்தில் எழுதும் இந்திய எழுத்தாளர்களுக்கு இது வழங்கப்படுகிறது. தகுதியுள்ள 23 மொழிகளில் இதுவரை 16 மொழிப் படைப்புகளுக்கு இவ்விருது வழங்கப்பட்டுள்ளது.