மங்கோலியாவின் உலான்பாதரில் நடைபெறும் UNCCD COP17 மாநாட்டில், 'இந்தியாவின் புல்வெளிகள் மற்றும் பிற திறந்த இயற்கைச் சூழலமைப்புகளுக்கான வழிகாட்டி'யை இந்தியா முதன்முறையாக வெளியிட்டது. புல்வெளிகள், சவானாக்கள், பாலைவனங்கள் உள்ளிட்ட திறந்த சூழலமைப்புகளின் புவியியல், சூழலியல், பல்லுயிர், அவற்றுடன் தொடர்புடைய சமூகங்கள், பழங்குடியினர் பற்றிய தகவல்கள் இதில் உள்ளன. காடுகளுடன் சேர்த்து இச்சூழலமைப்புகளையும் பாதுகாப்பதன் அவசியத்தை இது வலியுறுத்துகிறது; கொள்கை வகுப்பாளர்கள், ஆய்வாளர்கள், பாதுகாப்பு அமைப்புகள், வளர்ச்சி முகமைகள், உள்ளூர்ச் சமூகங்களுக்காக இது தயாரிக்கப்பட்டுள்ளது.