சிறப்புப் பகுதி மேம்பாட்டு ஆணையத்தை அமைப்பதற்கான மசோதாவைத் தமிழ்நாடு அரசு சட்டப்பேரவையில் அறிமுகப்படுத்தியது. வரலாற்று, சூழலியல், தொல்லியல் அல்லது சுற்றுலா முக்கியத்துவம் வாய்ந்த இடங்களுக்கான திட்டமிடலை இந்த ஆணையம் மேற்கொள்ளும். மாமல்லபுரம், கன்னியாகுமரி ஆகியவை முதலில் தேர்ந்தெடுக்கப்பட்ட பகுதிகள்; நிலையான வளர்ச்சிக்காக ஒவ்வொன்றுக்கும் சிறப்புப் பகுதி முழுமைத் திட்டம் (Special Area Master Plan) உருவாக்கப்படும். இத்தகைய இடங்களுக்கு 1971 நகர் ஊரமைப்புச் சட்டம் போதுமானதாக இல்லை என அரசு தெரிவித்தது. உள்ளாட்சி அமைப்புகளும் பாரம்பரிய ஆணையமும் தங்கள் பங்கைத் தொடர்ந்து வகிக்கும்.