தேர்தல் ஆணையர்கள் நியமனச் சட்டத்துக்கு எதிரான வழக்கை விசாரித்தபோது, நீதிபதிகள் நியமனத்துக்கான கொலீஜியம் முறையை உச்ச நீதிமன்றம் ஆதரித்தது. கொலீஜியத்தைத் தேர்தல் ஆணையர் தேர்வு முறையுடன் ஒன்றிய அரசு ஒப்பிட்டது "கவலையளிக்கிறது" (disquieting) என நீதிபதி தீபங்கர் தத்தா கூறினார். நீதிபதிகள் நியமனத்தில் நிர்வாகத்துக்கும் பங்கு உண்டு என்றும், கொலீஜியப் பரிந்துரைகளை ஏற்கவோ ஏற்காமலோ இருக்க அதற்கு உரிமை உண்டு என்றும் அவர் சுட்டிக்காட்டினார். பரிந்துரைக்கப்பட்ட பெயர்களை ஒன்றிய அரசு தேர்ந்தெடுத்து ஒப்புதல் அளிப்பதையும் நீதிமன்றம் குறிப்பிட்டது. கொலீஜியம் என்பது மூத்த நீதிபதிகள் உயர் நீதித்துறைக்கான நீதிபதிகள் நியமனம் மற்றும் இடமாற்றத்தைப் பரிந்துரைக்கும் முறையாகும்.