உத்தரப் பிரதேச அரசு எதிர் ஜெய் பீர் சிங் வழக்கில், தலைமை நீதிபதி சூர்ய காந்த் தலைமையிலான உச்ச நீதிமன்றத்தின் ஒன்பது நீதிபதிகள் கொண்ட அரசமைப்பு அமர்வு, தொழிலாளர் சட்டத்தில் ‘தொழில்’ (industry) என்பதன் பொருள் குறித்து 5:4 என்ற விகிதத்தில் தீர்ப்பளித்தது. முறையான செயல்பாடு, முதலாளி-தொழிலாளர் ஒத்துழைப்பு, பொருள்கள் அல்லது சேவைகளின் உற்பத்தி அல்லது விநியோகம் என்ற மும்முனைச் சோதனையைப் பயன்படுத்திய பெங்களூர் குடிநீர் வழங்கல் மற்றும் கழிவுநீர் வாரியம் எதிர் ஆர். ராஜப்பா (1978) வழக்கின் பரந்த விளக்கம், தொழில் உறவுகள் விதித்தொகுப்பு (IRC), 2020-இன் கீழான எதிர்காலச் சச்சரவுகளுக்குப் பொருந்தாது. தொழில் தகராறுகள் சட்டம், 1947-இன் கீழ் நிலுவையிலுள்ள வழக்குகளுக்கு 1978 விளக்கமே தொடரும். IRC வரையறை புதிதாக (clean slate) விளக்கப்பட வேண்டும். 29 மத்தியத் தொழிலாளர் சட்டங்களை ஒருங்கிணைத்த நான்கு தொழிலாளர் விதித்தொகுப்புகளில் IRC ஒன்றாகும்.