முதலமைச்சரின் விரிவான மருத்துவக் காப்பீட்டுத் திட்டத்தின் கீழ் காப்பீட்டுத் தொகையை ₹5 லட்சத்திலிருந்து ₹25 லட்சமாகத் தமிழ்நாடு உயர்த்தியுள்ளது. திருநங்கைகளுக்கான மருத்துவச் சேவைகள், அறுவை சிகிச்சைகள் சென்னை ஸ்டான்லி மருத்துவக் கல்லூரியிலும், திருநெல்வேலி, தூத்துக்குடி, செங்கல்பட்டு, திருவாரூர், தருமபுரி, கன்னியாகுமரி மருத்துவக் கல்லூரி மருத்துவமனைகளிலும் வழங்கப்படும். பெரம்பூரில் ₹300 கோடியில் 400 படுக்கைகள் கொண்ட பல்நோக்கு உயர் சிறப்பு மருத்துவமனை அமைக்கப்படும்; முதலமைச்சரின் புற்றுநோய் சிகிச்சை இயக்கம் ₹673.44 கோடியில் மேம்படுத்தப்படும்; ₹351 கோடியில் ஏழு செவிலியர் கல்லூரிகளும் செவிலியர், மருந்தியல், துணை மருத்துவப் படிப்புகளில் கூடுதல் இடங்களும் உருவாக்கப்படும்.