சென்னை பட்டினப்பாக்கத்தில் (ஃபோர்ஷோர் எஸ்டேட்) புதிய சட்டப்பேரவை-தலைமைச் செயலக வளாகம் கட்டத் தமிழ்நாடு அரசு கொள்கை அளவில் ஒப்புதல் அளித்துள்ளது. தமிழ்நாடு வீட்டு வசதி வாரியம், பெருநகர சென்னை மாநகராட்சி, வருவாய்த் துறை ஆகியவற்றுக்குச் சொந்தமான 25.55 ஏக்கர் நிலத்தில் இது அமையும். சுமார் 20 லட்சம் சதுர அடி பரப்பளவில் ₹1,200 கோடி மதிப்பீட்டில் இவ்வளாகம் கட்டப்படும். மூன்று மாதங்களுக்குள் விரிவான திட்ட அறிக்கையை (DPR) தயாரிக்குமாறு பொதுப்பணித் துறைக்கு உத்தரவிடப்பட்டுள்ளது. தற்போது சட்டப்பேரவையும் தலைமைச் செயலகமும் வரலாற்றுச் சிறப்புமிக்க புனித ஜார்ஜ் கோட்டை வளாகத்தில் இயங்குகின்றன.