பனிச்சிறுத்தைகளை மையமாகக் கொண்ட இந்தியாவின் முதல் உயர்மலை வனவிலங்கு சஃபாரியை லடாக் துணைநிலை ஆளுநர் தொடங்கி வைத்தார்

பனிச்சிறுத்தைகள் நடமாடும் பாதைகளை மையமாகக் கொண்ட இந்தியாவின் முதல் உயர்மலை வனவிலங்கு சஃபாரியை லடாக் துணைநிலை ஆளுநர் வினய் குமார் சக்சேனா கொடியசைத்துத் தொடங்கி வைத்தார். இதை பனிச்சிறுத்தை மற்றும் உயர்மலை இயற்கைப் பாதுகாப்புச் சங்கம் (SHAN Society), ஒன்றியப் பிரதேசத்தின் வனத்துறையுடன் இணைந்து நடத்துகிறது. சஃபாரி பாதைகள் ஹெமிஸ் தேசியப் பூங்கா, சாங்தாங், காரகோரம் வனவிலங்கு சரணாலயம் மற்றும் லடாக்கின் பிற பகுதிகள் வழியே செல்கின்றன. அறிக்கையின்படி லடாக்கில் 477 பனிச்சிறுத்தைகள் உள்ளன. பனிச்சிறுத்தை (Panthera uncia) IUCN சிவப்புப் பட்டியலில் 'பாதிக்கப்படக்கூடியது' (Vulnerable - VU) என வகைப்படுத்தப்பட்டுள்ளது. வனவிலங்குப் பாதுகாப்புக்கு உதவுவதுடன் உள்ளூர் சமூகங்களுக்குப் பொருளாதாரப் பலன்களை வழங்குவதும் இதன் நோக்கம்.